Nanam Niyo...

Kecek wang bilek ikak, jak sebatang niyo te begune gale. Mon daun mudenye dibuat ketupat, jaman dulu muat burung2 hiasan balai bedikir bile ade pesta majlis walimatul urus. Yak mon lidinye boli dibuat penyapu, penyapu lidi kecek wang. Seikat penyapu lidi te di tapan aku sekitar Rm 5. mon di bengkulu asekku die kurang sekitar sepuluh ribuan la.

Mon buah niyo te, die dicerito ke pun wang tau gale. Mon lagi mude dibuat dugan, ayo niyo mude, regenye sebiji asekku kalu di tepi pantai panjang te col kurang dari dua puluh lime ribuan la. Yak ayonye lemak ape lagi kalu sedang bigi mudenye. Niyo tue, la masak lagi pule, santannye bakal gulai, moknye lemak, bakal campuran lemang, muat gelami bile raraye. Mon wang rajin dikit na, tanak minyak, niyo bendang sagale bagai e la..

Batang niyo te kebile la tinggi ditebang boli muat jambatan ome. Mon dibelah2 ke boli muat daso pondok ome. Umbut niyo jugek lemak dibuat gulai...pendek e jak sebatang pokok niyo te macam2 la gunenye.

Kemaren aku ngajak cucung2ku ke kebun nanam bibit niyo. Kebetulan dalam kebunku itu masi banyak yang lapangnye. Dulu te penuh gale dingan pokok2 durian, tapi pokok duriannye la abis gale mati kene musim panas arai te. Padonye terbiar kosong bigi la ditanam dingan niyo.  Cucung bempat masuk aku belime, jadi surang nanam due batang dan ade yang tige. Bibit niyo te cuman ade due belas pokok. La badu gale kami tanam. Kini tinggal melo e, enjok pupuk moknye gancang bebuah, insyaallah dapat ngasek e. Mon die dapat ngasek e, dak ape la, mon dimakan oli wang, binatang mau pun burung2, mudah2an ade pahalo e dak...