Aku Agam Dingan Kucing.

Memang mase kecik dulu jugek aku agam musik kucing. Ngajak kucing2 te begelut la, maen dingan lidi niyo la, agam nian nyingok kucing2 te tekejar2 belarai. Sapai la setue ikak jugek masi..senang nian bile nyingok kucing2 te ape lagi mon kucing te jinak, cantek dan bersie.

Makkini kak aku ade melo tige ikok, due lanang sikok betine. Yang lanang yang beso sekali te aku nameke Nini, nye kak asalnye agakku anak kucing dicapak wang, atau nye sesat di tapan parkir mobil pasar setu, lalu aku undeke nye balik dan dibelo duma. Aku nameke nye nini perasaianku nye tu kucing betine kasnye lanang. Aku unyu ke bae name tu.

Lanang sikok lagi te aku nameke nye Blacky kerane bulunye ade itam2. Ikak jugek anak kucing die betuan, ipul dikejar bae oli kucung2 lanang besor lainnye, dilagenye sapai demam. Dek kesian diambik, dienjuknye makan, minum oli tunangku. Kini kami belo la nye sekali, tapi makannye masi besuap...?.

Kalu yang betine tu, namenye Putih, die la putih nian bulunye, kumal jugek. Mulonye te aku manggilnye te comot, nye buat die nengo bae....aku cubek manggilnye Putih, ngelalenye...??..upenye kucing jugek ndak name bigi2 jugek....hehehe. Kiro e putih kak tunang si nini. Masi lagi kecik nye dulu nini ngonggong unde masuk kumu ku, ditunjuk e kat aku, barangkali kecek e "kak la bakal tunangku bak"...la...hehehe..la pacak pule nga kak yung...!!!..

Melo kucing tige ikok kak, ati aku asek senang, cuman yang poriknye bile kami nak keluo bejalan lame dikit bemalam diluao. Mon yang nini dan blacky boli ditupangke di tapan kelinik pet animal, tapi putih kak jinak col dapat ditakap. Aku tupang ke dingan jiran sebelah uma moknye ngenjuk makan, aku belike makanannye, barangkali nye die berape selero tinggal surang, bile kami balik te kecian nyingok e, kurus...

Makanan kucing2 aku kak 'royal canin' dan ikan setiap arai, mon ndak dikireke belanjonye beso jugek la, tapi dakape la dak bebagi2 rezeki kecek wang bilek kak. Insyaallah ade pahalonye....