Ade2 bae.

Men ndak dicerito ke pengalaman idup sepanjang omor ku kak, searai2 die badu nemu nian becawan2 kopi abis ditegok ke, nemu nian merenggut sore die badu2. Ape ke idak e, sejak awak pacak negecek, macam2 diajo wang dalam lingkungan nyebut e. Mak mane pule waktu itu dalam kapung ku wang lum rami, posekan yang lain2 lum ade, tv jauo sekali, waktu itu kalu ade hp canggih roman arai kak woi ibur sekapong jadi e, dimane bae wang cerito "aku la nyingok e nian ".

Barangkali olie karna lum rami, cuman ade kurang lebi sepulo bua uma, hubangan atare satu dengan yang lain, akrab gale roman adek badek, sanak gagale. Kumonikasinye coman itu la betegur sape diantare sasame, baik yang mude ape yang tue bigi hormanis nian, jadi base bengkulu te ditutur ke terus. Pacak gale bebase awak. Kunci sasatu base te la petuturan, lalame pacak carek ngecek e.

Dibandingke makini kak, maaf kecek la die roman te lagi, yang mude2 col lagi ndak bemuan bepakwo, beuncu la betemu mekan kian die narak, melingus bae. Kalu duduk semeja pun rim bae die ade ngeberol, masing2 sibuk dengan telepon pintar main fesbokan. Bukannye ngate wang aku jugek roman te, hehehe..